லாஸ்லியா
கோலிவுட் திரையுலகில் அறிமுக நடிகையாக இருப்பவர் லாஸ்லியா. விஜய் தொலைக்காட்சியில் கமலஹாசன் தொகுத்து வழங்கும் ‘பிக்பாஸ்’ நிகழ்ச்சி மூலம் இவர் பிரபலமானார். இலங்கையில் செய்தி வாசிப்பாளராக இருந்த லாஸ்லியா இந்நிகழ்ச்சிக்கு பிறகு தமிழ் மக்களின் மனதை கவர்ந்தார்.
விஜய் டிவியில் ஒளிபரப்பாகி ரசிகர்களை கவர்ந்த நிகழ்ச்சிகள் ஏராளம். அவ்வாறு ரசிகர்களிடையே மாபெரும் வரவேற்பை பெற்ற நிகழ்ச்சி பிக்பாஸ். இதன் 3வது சீசனில் போட்டியாளராக கலந்து கொண்டு ரசிகர்கள் மனதை கொள்ளை கொண்டு பெருமளவில் பிரபலமானவர் லாஸ்லியா.
இலங்கையை சேர்ந்த செய்திவாசிப்பாளரான அவருக்கு பிக்பாஸ் நிகழ்ச்சியில் கலந்து கொண்டதற்கு பிறகு பெரும் ஆர்மியே உருவானது. மேலும் பிக்பாஸ் வீட்டை விட்டு வெளியேறிய பின் லாஸ்லியாவிற்கு பட வாய்ப்புகளும் வர துவங்கியது.
அவர் ஹர்பஜன் சிங் மற்றும் சதீஷுடன் இணைந்து பிரெண்ட்ஷிப் என்ற படத்தில் நடித்திருந்தார். அந்த படம் ரசிகர்கள் மத்தியில் அமோக வரவேற்பை பெற்றது. அதை தொடர்ந்து லாஸ்லியா பிக்பாஸ் தர்ஷனுடன் இணைந்து கூகுள் குட்டப்பா என்ற படத்தில் நடித்திருக்கிறார்.
முதன்முறையாக மனம்திறந்த லாஸ்லியா
நடிகர் கவின் தன்னுடைய நீண்ட நாள் காதலியான மோனிகாவை கடந்த ஆகஸ்ட் மாதம் 20 ஆம் தேதி திருமணம் செய்து கொண்டார். இது தொடர்பாக பேசிய லாஸ்லியா, கவினுக்கு திருமணமான விஷயம் பார்த்து மிகவும் மகிழ்ச்சியாக இருக்கிறது. அவருடைய சினிமா வளர்ச்சி பெரிய அளவில் இருப்பதை பார்த்து மகிழ்ச்சி அடைகிறேன் என்றார்.
அப்போது லாஸ்லியாவிடம், நீங்கள் எந்த விஷயத்தில் உடைந்தீர்கள் என கேள்வி கேட்டப்பது. பதில் அளித்த அவர் என்னுடைய அப்பா விஷயம் தான். மூன்று ஆண்டுகளுக்கு முன்பு நடந்தாலும் ஒருவரின் இடத்தை இன்னொரு நபரால் எப்போதும் மாற்ற முடியவில்லை. தினமும் நான் ஒரு விஷயம் மீஸ் செய்கிறேன் என்றால் அது என்னுடைய அப்பாவை தான் என்று கூறியுள்ளார்.