நிரந்தர தூக்கத்துக்கே சென்ற விஜயகாந்த்..! அரசு மரியாதை உடன் அடக்கம் செய்யப்பட்ட உடல்.! கடல் போல் குவிந்த மக்கள்.!

விஜயகாந்த்

திரைப்பட நடிகர், தேசிய முற்போக்கு திராவிட கழகத்தின் நிறுவனத் தலைவர் மற்றும் பொதுச் செயலாளர் விஜயகாந்த். இவர் கடந்த 1952 ஆம் வருடம் ஆகஸ்ட் 25 ஆம் தேதி விருதுநகர் மாவட்டத்திலுள்ள அருப்புக்கோட்டை ராமானுஜபுரம் கிராமத்தில் பிறந்தார். அதனைத் தொடர்ந்து, இவரது குடும்பம் சிறுவயதிலேயே மதுரைக்கு குடி பெயர்ந்தது.

மதுரையில் வளர்ந்த விஜயகாந்த் சினிமா மீது மோகம் கொண்டு படிப்பின் மீது ஆர்வம் காட்டாமல், தந்தையின் கண்காணிப்பில் இயங்கி வந்த அரிசி ஆலையில் சிறு சிறு பணிகளை செய்து வந்தார்.

பின்பு சென்னைக்கு வந்து சினிமா வாய்ப்பு தேடி திரைப்படங்களில் நடிக்கத்தொடங்கியுள்ளார். கடந்த 1990-ல் பிரேமலதாவை திருமணம் செய்த விஜயகாந்துக்கு விஜயபிரபாகரன், சண்முக பாண்டியன் என்ற இரண்டு மகன்கள் இருக்கின்றனர். சினிமா வாழ்க்கையில் இருந்த விஜயகாந்துக்கு அரசியலிலும் வரவேற்பு

இருந்தமையால், 1993-ல் விஜயகாந்த் ரசிகர் மன்றத்தினர் சுயேட்சையாக போட்டியிட்டு பலரும் வெற்றி அடைந்தனர். இதனால் விஜயகாந்துக்கு அரசியலில் ஈடுபடும் எண்ணம் இருந்தாலும், அவ்வப்போது அதனை தெரிவித்தும் வந்தார். ஆனால் முழு நேர அரசியல் களமிறங்கவில்லை.

கடல் போல் குவிந்த மக்கள்

கேப்டன் விஜயகாந்தின் மரணம் ஒட்டுமொத்த தமிழகத்தையே சோகத்தில் ஆழ்த்தியது என்று தான் சொல்ல வேண்டும் . இந்நிலையில் 72 துப்பாக்கி குண்டுகள் முழங்க அரசு மரியாதை உடன் இன்று அடக்கம் செய்யப்பட்டுள்ளார் விஜயகாந்த் .

மேலும் கேப்டன் விஜயகாந்தின் உடல் தேமுதிக தலைமை அலுவலகத்தில் நல்லடக்கம் செய்யப்பட்டுள்ளது. விரைவில் பிரம்மாண்ட நினைவு மண்டபம் அமைக்கப்பட உள்ளதாகவும் தகவல் வெளியாகி உள்ளது . தற்போது கேப்டன் விஜயகாந்தின் கடைசி நிமிட காட்சிகள் பலரையும் கண்கலங்க வைத்து வருகிறது.