ஜாபர்
நடன இயக்குனராக தொலைக்காட்சி நிகழ்ச்சிகளில் பணியாற்றி வந்தவர் ஜாபர். இவர் முதன்முதலில் சினிமாவில் எண்ட்ரி கொடுத்தது பாவக் கதைகள் என்கிற ஆந்தாலஜி தொடரின் மூலம் தான். அதில் விக்னேஷ் சிவன் இயக்கிய குறும்படத்தில் வில்லனாக மிரட்டி இருந்தார் ஜாபர்.
அந்த ஆந்தாலஜி தொடரில் ஜாபரின் நடிப்பை பார்த்து வியந்து போன கோலிவுட் இயக்குனர்கள் அவருக்கு அடுத்தடுத்து பட வாய்ப்புகளை வழங்கினர்.
இதையடுத்து கவுதம் மேனன் இயக்கத்தில் சிம்பு நடித்த வெந்து தணிந்தது காடு படத்திலும் வில்லனாக வந்து மிரட்டி இருந்தார். அதேபோல் லோகேஷ் கனகராஜ் இயக்கிய விக்ரம் படத்திலும் கமல்ஹாசனுக்கே டஃப் கொடுத்து நடித்திருந்தார்.
இப்படி அடுத்தடுத்து முன்னணி நடிகர்களின் படத்தில் வில்லனாக மிரட்டிய ஜாபர், அண்மையில் வெளியான ஜெயிலர் திரைப்படத்தில் காமெடி கலந்த கதாபாத்திரத்தில் நடித்திருந்தார்.
வெளியான அழகிய புகைப்படம்
இந்நிலையில் நடிகர் ஜாபர் காதலியுடன் எடுத்த புகைப்படம் இணையத்தில் வைரலாக பரவி வருகிறது. இதை பார்த்த ரசிகர்கள் சட்டுபுட்டுன்னு கல்யாணத்தை முடிங்க ஜாபர் என்று கூறி வருகின்றனர்.