நடிகர் ரெடின் கிங்ஸ்லி
தமிழ் திரையுலகில் பிரபல முன்னணி நகைச்சுவை நடிகராக வலம்வருபவர் ரெடின் கிங்ஸ்லி. கணித்த குரலில், நகைச்சுவையான உணர்வுகளுடன் இவர் பேசக்கூடிய இயல்பு கொண்டவர். முதன் முதலாக நெல்சன் திலீப் குமார் இயக்கத்தில் வெளியான, நயன்தாராவின் கோலமாவு கோகிலா திரைப்படத்தில் ரெடின் நடித்திருந்தார்.
நெல்சன் திலீப்குமார் இயக்கத்தில் சிவகார்த்திகேயன் நடிப்பில் வெளியான டாக்டர் படத்தில் இவருடைய கேரக்டர் ரசிகர்களை பெரிதளவிலும் கவர்ந்தது. இதற்கு முன்னதாக கோலமாவு கோகிலா, எல்.கே.ஜி, கூர்கா போன்ற திரைப்படங்களிலும் நடித்துள்ளார் என்பது குறிப்பிடத்தக்கது.
இவ்வாறு சில படங்களில் நடித்து இருந்தாலும் டாக்டர் திரைப்படம் தான் ரெடி கிங்ஸ்லிக்கு திருப்பு முனையாக அமைய தொடர்ந்து முன்னணி நடிகர்களின் திரைப்படங்களில் நடித்து வருகிறார். இவர் நெல்சனின் நெருங்கிய நெருங்கிய நண்பர் ஆவார்.
திருமணம்
அதனைத்தொடர்ந்து ஏ1, நெற்றிக்கண், டாக்டர், பீஸ்ட், டிடி ரிட்டன்ஸ், ஜெயிலர், மார்க் ஆண்டனி, 80ஸ் பில்டப், வா வரலாம் வா, கான்ஜுரிங் கண்ணப்பன் உட்பட பல படங்களில் நடித்துள்ளார்.
46 வயதாகும் நிலையிலும் திருமணம் செய்யாமல் வாழ்ந்து வந்த ரெடின் கிங்ஸ்லி, தற்போது தொலைக்காட்சி நடிகை சங்கீதாவை திருமணம் செய்துகொண்டார். தம்பதிகளுக்கு வாழ்த்துக்கள் குவிந்து வருகின்றன.